Berriztu izeneko bigarren eskuko azoka egingo dute Berrizen datorren zapatuan, hilaren 16an. Probalekuan garatuko dela esan dute antolatzaileek, 15:00etatik 20:00etara bitartean.
Bigarren eskuko arropa edo aparatuak eroateko deia egin dute; saldu, trukatu edo oparitu egin ahal da, bakoitzak gura duena. Gainera, musika kontzertua ere egingo dute 19:00etan, eta debalde izango da.