Asteburuan, Berrizen izandako auto istripuaren lekuko izan zitezkeenen laguntza eskatu du Ertzaintzak. Ezbeharra N-634 errepidean izan zen, Zaldibarrera bidean. Bidetik atera zen ibilgailua, eta zubi baten zutabearen aurka joan zen.
Zapatu arratsaldean izan zen istripua eta izandako zaurien eraginez unean bertan hil zen autoaren gidaria, 36 urteko zaldibartarra. Istripuaren inguruan edozein datu eman dezakeen herritarrak Bizkaiko Trafiko Unitate Bereziko Atestatuen sailera jo dezake edota honako telefono zenbakira deitu: 94 607 90 34.