San Antonio jaietako Nekazal Olinpiadetan izena emateko azken eguna urtarrilaren 4a izango da. Parte hartu gura duten taldeek kultur etxean eman beharko dute izena. Urtarrilaren 17an frontoian jokatuko dituzte olinpiadak.
Bost froga egongo dira: txokor-batzea, hiruko lasterketa, begiak estalita laguna karretilan eroatea, 25 kiloko zakua eroatea eta txapel jaurtiketa. Talde bakoitzean bost lagun egon behar dira, eta talde mistoak izan behar dira.
Zapatuan, Erromeri Eguna
Gaztetxeko kideek, bestalde, Erromeri Eguna antolatu dute zapatu honetarako. Euskal dantza ikastaroari amaiera emateko, triki-poteoa, taloak eta erromeria izango dituzte arratsaldean.