Aste honetan, parte-hartzeari eta zahartze aktiboari buruzko hainbat ekitaldi edukiko dituzte adinekoentzako kultur jardunaldian.
Tartean, Basauriko janari bankua eta Gurutze Gorria ezagutzeko irteera egingo dute eguenean, 09:45ean irtenda. Izan ere, aste berezi horretan boluntariotza landuko dute.
Eguaztenean, zahartzaro aktiboa bultzatzen dabilen Hartu-emanak elkarteko Ismael Arnaizek hitzaldia emango du Jubilatuen Etxean, 18:00etan. Barikuan Galdamesko antzinako autoen museoa bisitatuko dute. Zapatuan ¿Algun voluntario? ¿Alguna voluntaria? antzezlana izango da kultur etxean.