Gaur iluntzean Donien Atxa jasota ekingo diote festari Berrizko Andikoan, eta bihar goizetik izango dira ekintzak. 11:00etan mezagaz hasi eta gero dantzariak eta belar-meta desafioagaz segituko dute.
Ondoren sakristaua izan den Antonio Barajuen Matxin omenduko dute, eta Amuriza aita-alabek bertsotan egingo dute. Arratsalderako asto-probak eta bolo txapelketa sartu dituzte egitarauan.