Eguerdiko 12:00etan izango da elkarretaratzea, eguazteneko udalbatzarrean zehaztu bezala.
Eguaztenean egindako ohiko udalbatzarrean Aaiun inguruan azken egunotan jazotakoak salatu eta herri sahararraren aldeko adierazpen instituzionala onartu zuten.
PSE-EEko zinegotzia soilik abstenitu zen, puntua \"denbora gehiagoz landu\" beharko litzatekela argudiatuz. NBEri, EBri eta Espainiako gobernuari sahararren giza eskubideak bermatzeko, Marokogaz duten elkarte-akordioa eteteko eta gatazkari bidezko eta behin betiko irtenbidea emateko ekintza politikoak bideratzea eskatu zuten. Marokoko erakundeekin hartu-emanak izateari uko egin eta Sahararen autodeterminazioaren aldeko konpromisoa berretsi du udalak.
Eguerdiko 12:00etan izango da elkarretaratzea. Madrileko manifestaziorako autobusa ere ipiniko du udalak.