Merkataritza Eguna gaur, azoka eta dastaketekin

Berrizko Merkataritza Eguna antolatu dute zapatu honetarako Berrizko Merkatari Elkarte eta Berrizko Udalak. Olakueta plazan azoka izango da, goizeko 10:00etatik 20:00etara. Bertan aukera zabala eskainiko dute Berrizko merkatariek; mertzeriak, arropak edo loreak erosi ahal izango dira bertan antolatzaileek adierazi dutenez, prezio onean: \"Aukera oso onak egongo dira\". Eguerdi partean, herriko hainbat janari dendatan jakiak dastatzeko aukera egongo da. 13:30etik 14:30era hainbat tabernatan ere pintxoak dastatu daitezke. Bestalde, ileapaindegi eta estetika zentroetan tratamendu bereziak eskainiko dituzte. Antolatzaileek iazkoa errepikatu gura dute: \"Ondo joan zen. Jendea pozik ibili zen eta herritarrek parte hartu zuten\".