Haur Eskolako
gurasoek agertutako ardura eta kexak aztertu ondoren, Berrizko Udalak
konponbiderako neurri berriak hartu dituela jakinarazi dute, baita gurasoak informatu dituela ere.
Eguzkilore
Haur Eskola eraikitzeko Haurreskola Patzuergoak honelako ikastetxeetarako
egindako programa funtzionala bete zela azpimarratu du Udalak. Irailean ateak zabaldu aurretik, Haurreskola
Patzuergoak azpiegitura ikuskatu zuen.
Eraikinaren
egokitasuna bermatzeko egin diren lehen ikuskaritzetan jolas gunean
tenperatura altuak antzeman ziren eta Berrizko Udaleko Hirigintza Batzordeak
obra zuzendaritzari eremua aireztatzeko eta barruko tenperatura murrizteko
beharrezko protokoloa zehazteko eskatu zion.