Berrizko Udalak webgunearen diseinua eta funtzionatzeko modua aldatuko ditu. Jakinarazi dutenez, dagoeneko eskuartean daukate diseinu berria, eta, Javier Azpitarte alkatearen esanetan, “datorren hilean martxan” ipintzea gura dute. Batez ere, webgunearen funtzionamendua hobetzea dute helburu, egunerokotasuna oinarri hartuta. Webgunearen kudeaketa Udalaren esku geratuko da eta, horrela, bitartekaririk barik ere sartuko dituzte udal jardueren inguruko albisteak, berehalakotasuna hobetuz.
Diseinuari dagokionez, erabilpen errazekoa izan daitela da helburu nagusia. Horrez gainera, lan-talde bat Udalaren logo berria prestatzen dabil. Logoak hiru ideia uztartu behar ditu: herria identifikatzeko balio dezala, kanpotik datozen lagunendako atsegina izan dadila eta euskarri guztietara moldatzeko modukoa izan dadila. Logoa laster prest izango ei dute.
Diseinuari dagokionez, erabilpen errazekoa izan daitela da helburu nagusia. Horrez gainera, lan-talde bat Udalaren logo berria prestatzen dabil. Logoak hiru ideia uztartu behar ditu: herria identifikatzeko balio dezala, kanpotik datozen lagunendako atsegina izan dadila eta euskarri guztietara moldatzeko modukoa izan dadila. Logoa laster prest izango ei dute.