IKT dinamizatzaileak inkesta bitartez baliabideen diagnostiko sakona egiten dabiltza, IKTek Durangaldean daukaten benetako ezarpena ezagutzeko. Diagnostikoa egin eta gero, dinamizazio egitasmoak diseinatuko dituzte. IKTekin lotutako jarduera hezgarriak ere burutuko dituzte: gaitasun teknologikoari buruzko ikastaroak, mintegi praktikoak… Horrez gainera, eskualdean telebista, irratia, telefonoa eta Internet banda zabalaren seinaleen kalitatea aztertu eta gabezien mapa eratuko dute.
Konexinoa sustatzen
Landa-eremuko langile autonomo eta enpresa txikien konexioa sustatzen ere ahaleginduko dira. Horretarako, administrazioek eskaintzen dituzten diru-laguntzen berri emango dute. Azkenik, udalerrien webguneen aldeko promozioa bultzatuko dute.