Tokiko Inbertsioen Estatu Fondotik herri bakoitzari egokitzen zion laguntzarekin zer proiektu gauzatuko diren jakinarazteko epea urtarrilaren 24an amaituko da. Berrizko Udalak eguazteneko udalbatzarrean aho batez onartu zuen diru horrekin (840.000 euro) gauzatu asmo duen proiektu sorta.
Besteak beste, farmaziatik Osasun Zentrora doan Gabiola kaleko espaloi sarearen irisgarritasuna hobetzeko lanen lehenengo faserako balioko du. Irisgarritasuna hobetzeaz gainera, espaloiak birmoldatu eta konpondu egingo dituzte. Proiektu beraren barruan, Iturriza kaleko 42, 44 eta 46 zenbakien artean dagoen terraza edo parketxoa egokitzeko lanak ere aurreikusi dituzte.
Beste hiru proiektu ere aurreikusi dituzte, eta guztiak antzeko inbertsioa dute. Bigarren diru-atal bat Urzabal kalean –Gaztetxearen behealdean– rokodromoa eta skate pista egiteko obra zibilerako erabiliko dute. Behin azpiegiturak eginda, egitura biak janzteaz Udala arduratuko da.
Saneamendu lanak
Hirugarren proiektu batean Matza auzoko ur-deposituko saneamendu lanak aurriekusi dituzte. Egitura egoera txarrean dago, eta tratamendua behar du. Azkenik, Eitua industriagunean ur hornidura sarea ere osatu nahi dute. Ur hornidura iraunkorra bermatzea da asmoa; esaterako, ur mozketek ez lukete hainbeste eragingo.
Obra guztiak apirilaren 7a baino lehenago hasi eta 2010eko lehen hiruhilekoa amaitu aurretik amaitu behar dira.
Besteak beste, farmaziatik Osasun Zentrora doan Gabiola kaleko espaloi sarearen irisgarritasuna hobetzeko lanen lehenengo faserako balioko du. Irisgarritasuna hobetzeaz gainera, espaloiak birmoldatu eta konpondu egingo dituzte. Proiektu beraren barruan, Iturriza kaleko 42, 44 eta 46 zenbakien artean dagoen terraza edo parketxoa egokitzeko lanak ere aurreikusi dituzte.
Beste hiru proiektu ere aurreikusi dituzte, eta guztiak antzeko inbertsioa dute. Bigarren diru-atal bat Urzabal kalean –Gaztetxearen behealdean– rokodromoa eta skate pista egiteko obra zibilerako erabiliko dute. Behin azpiegiturak eginda, egitura biak janzteaz Udala arduratuko da.
Saneamendu lanak
Hirugarren proiektu batean Matza auzoko ur-deposituko saneamendu lanak aurriekusi dituzte. Egitura egoera txarrean dago, eta tratamendua behar du. Azkenik, Eitua industriagunean ur hornidura sarea ere osatu nahi dute. Ur hornidura iraunkorra bermatzea da asmoa; esaterako, ur mozketek ez lukete hainbeste eragingo.
Obra guztiak apirilaren 7a baino lehenago hasi eta 2010eko lehen hiruhilekoa amaitu aurretik amaitu behar dira.