Jai giroa izango dute nagusia, asteburuan, Okango auzoan. Bihar hasi eta astelehenera arte Sanmigelak dituzte, eta auzokoek ekitaldi sorta eratu dute jaiak ospatzeko.
Txapligu hots artean, Donien-atxa jartzeko elkartuko dira bihar, 16:00etan, eta 16:30ean umeentzako jolasak izango dituzte. Txirrindulari lasterketa herrikoia hasiko da 17:30ean, eta, 19:30ean odoloste-jana eta bolo txapelketa.
Berrizko baselizarik baseliza ibilaldia egingo dute etzi, 07:30ean Mikel Deunan hasita. Kalejira izango da 11:00etan, eta 12:00etan auzoko hildakoen omenezko meza. Ondoren, Iremiñe dantza taldea, Miren eta Xabier Amuriza bertsolariak eta trikitilariak izango dira. San Migel Egunez meza izango da 19:00etan, eta gero trikitilariek girotutako odoloste-jana.