Abuztuan lapur bik Berrizko etxebizitza batean sartu, jabea lotu eta barruan zegoena eroan zuten. Orain, ikerketak egin ondoren, Ertzaintzak Durangaldean bizi diren lagun bi atxilotu ditu, bortxazko lapurreta egotzita.
PM.D.G. eta I.S.I inizialak dituzten atxilotuek 32 eta 33 urte dituzte, hurrenez hurren. Lapurrak jabea noiz helduko zain egon ei ziren, eta, atea irekitzearekin bat barrura bortxaz sartu arazi eta lotu egin zuten. Lapurrek 1.500 euro, gailu elektronikoak eta kreditu txartelak ostu zituzten, besteak beste.