Berrizen ospatuko dute, zapatuan, ekainaren 21ean, Durangaldeko 36. Ezpatadantzari Eguna, Gerediaga elkarteak eta herriko dantza taldeek antolatuta.
Mañaria, Abadiño, Iurreta, Otxandio, Durango eta Berrizko 16 taldeak Olakuetan batuko dira 17:00etan, Elizondorako kalejira egiteko eta Amezuatarren oroigarria bistaratzeko.
Dantzari dantza eta Soka dantza eskainiko dituzte dantzariek 19:30ean Berrizburu futbol-zelaian, eta 21:30ean lagun arteko afaria egingo dute Udaletxeko parkean (herritarrek 10 euroan dituzte eskura txartelak, Durangaldeko herrietan). Jotankak berotuko du erromeri giroa, Elizondon.