Urtero bezala, Berrizko Udakeko Euskara Sailak, merkataritza kanpaina abiatu du, herriko dendei itzulpenerako edo bestelako aholkularitza eskaintzeko.
Iaz esaterako, euren dendetan erabiltzen dituzten agiriak batzen zituen liburuxkak banatu zitzaizkien dendariei. Horrez gain, errotuluak euskeraz jartzeagatik udalak ematen dituen dirulaguntzen berri ere eman zieten dendariei.
Aurten, herritarrek eta dendariek euskara erabil dezaten bultzatzeko, betiko janarien euskal izenekin kartelak banatuko dira denda, euskaltegi eta eskoletan; etorkin nahiz euskaldunberriek euren erosketak egiterakoan euskara erabiltzeko baliabideak izan ditzaten.