Atxondoko Udalak herriko hiru hilerriren irisgarritasunean lan egingo du, ohar batean adierazi duenaren arabera. 30.000 euro inbertituko ditu lan horietan. Apatamonasterioko, Axpeko eta Arrazolako kanposantuetako eskuragarritasunaren "egoera txarra dela eta" egingo dituzte obra horiek, Xabier Azkarate Atxondoko alkateak esan duenez.
Proiektu hori urrian egin zuten aurrekontu parte-hartzailearen bitartez eroango dute aurrera. Udalak jakinarazi duenez, 30 bat proposamen bildu zituzten, eta "banan-banan aztertu zituzten proposamen bakoitza", udal gobernuaren esanetan. Aurrekontu parte-hartzailearen balorazio orokor "positiboa" egin du Toki Administrazioak.