Dispertsioaren kontrako murala ezabatu dutela azaldu dio ANBOTOri herritar batek. "Ez da soilik euskal preso eta iheslarien aurkako erabakia, adierazpen askatasunaren aurkako erasoa da", salatu dute hainbat herritarrek sare-sozialetan zabaldu duten mezuan. Horrez gain, murala berriro margotzeko hitzordua egin dutela jakitera eman dute sare sozialetan.
Bestalde, Atxondoko Udalak murala ezabatu duela baieztatu du. "Pintada egin zutenean ez genuen ezer esan, baina orain horma hori zuriz margoztea erabaki dugu", esan du Xabier Azkarate alkateak.