Atxondoko EAJak eskerrak eman dizkie azkenengo hauteskundeetan beraiengan konfiantza jarri duten herritarrei. Oharrean adierazi dutenez, orain dela lau urte baino 72 bozka gehiago izan dituzte.
Xabier Azkarate EAJko hautagaiak emaitzak ezinhobeak izan direla adierazi du. Horrez gain, maiatzaren 26ko hauteskundeetarako gogotsu dagoela aitortu du. "Hauteskunde hauetara gogotsu eta indarrarekin aurkezten naiz, batez ere atxondoarren bizi kalitatea hobetzeko asmoz, behar diren orduak sartuz denbora osoko lana eginez eta auzokideen arazo eta iradokizunetan arreta jarriz", esan du.