Azaroaren 25a dela eta, Marixurrike aisialdi taldeak murala margotu du Atxondon. Umeei bideratutako rol eta estereotipoak hausteko deia egin dute marrazki erraldoi horren bidez. Utz diezaiogun printzesa hauskorrak eta matxito biolentoak hezteari aldarria izan da Atxondon aukeratu dutena. Lian margolariaren laguntzagaz herriko umeek eta familiek ere parte hartu dute. Gainera, aldarri horren inguruko tailer bat ere egin dute.