Eraikin horren beheko aldean taberna eta denda txiki bat egokituko dituzte, eta jada badute proiektua. Egitasmo hori eredu moduan hartuta, auzolanean egin daitezkeen lanak burutu zituzten: hormak bota, obra-hondakinak atera, barruak hustu … Leihoak lixatzen ere aritu ziren. 08:30etik 15:00etara aritu ziren lanean, eta kontainer oso bat bete zuten hondakinekin. Hurrengo baterako, beste auzolan bat deitzeko asmoa dute.
