"Gu hunkitu eta harrotu egiten gaitu hemen egoteak", esan dute udaletxeko balkoitik: "Atxondo herri txikia da, baina zuek hemengo jaiak haundi egiten dituzue. Anbotoko Mariren baimenagaz hasi daitezela Apatako jaiak".
Txopo nagusia eta gaztetxoena kalejiran ekarri dituzte plazaraino txistularien laguntzagaz.Gaztetxoek txopo txiki koloretsua igo dute lehenengo. Ondoren, txopo nagusiaren txanda izan da. 21 metro ditu aurtengoak, ohi baino lau bat metro handiagoa da.