Udalak 2016ko aurrekontuei begira, herritarren beharrak eta lehentasunak zein diren ezagutu nahi du. 2015ean zehar egindako auzo batzarretan herritarrek egindako eskaerak hartuko dituzte oinarrian eta bozketa bidez, lehentasunak zehaztea izango da egin beharreko ariketa.
Herritarren esperientzia parte hartzaile hori aurrera eramateko, Durangoko Merinaldearen Amankomunazgoko laguntza izango du Atxondoko Udalak eta Siadeco aholkularitza enpresa arduratuko da proiektuaren gidaritza teknikoaz.
Herritarrei eta elkarteei bihar, 19:00etan, udalbatzar aretoan deitu duten batzarrera joateko deia egin diete.