Gaurko Nagusien Topaketa, 17:00etan hasiko da, udaletxean: “Irisgarritasunaren aldetik zein batetik bestera ibiltzerako orduan arazo bereziak dituztenak dira eta espazio publikoa gehien erabiltzen dutenak. Pertsona nagusi batek oinez eta bere inguruan egiten ditu desplazamendu gehienak. Horien iritzia jasotzea garrantzitsua da”, dio Urak Bide Taldeko Kimetz Munitxak.
Martitzenean egin zuten Kale Irekiak egitasmoko lehen batzarra eskolako gimnasioan. Askotariko gaien inguruan jardun zuten herritarrekin eta egoera orokorra zein den jakiteko balio izan zien. Atzo Emakumeen Topaketa egin zuten eta, besteak beste, herriko puntu beltzak izan zituzten berbagai. Datorren astean saio gehiago egingo dituzte.
Lehen bi saioetako irudiak: (Iturria: Urak Bide Taldea)