11:00etan umeen jolasak prestatu dituzte, Apatako plazan, Marixurrike aisialdi taldearen laguntzagaz. Ondoren, 13:30ean, trikipoteoan ibiliko dira herrian zehar, Alda eta Andaren musikak lagunduta.
Bazkalorduan, 14:30 inguruan, Barraskiloren bertan batzeko gonbita luzatu dute. Marmitakoa izango da plater nagusia, baina nahi duenak aukera beganoa ere izango du. Batutako denek argazki bat aterako dute.
Bazkalostea pobreziaren inguruko poesia musikatu errezitaldiak girotuko du, 17:00etatik aurrera. 19:30ean, berriro herrigunera zabalduko dute jai-giroa bigarren trikipoteo batekin. 22:00etan, musika kontzertu bi antolatu dituzte, Gaztetxean: Baserriko Oilaskuek Labin eta Bajo Presion. Ostean, DJ Abaunzaren musikak emango dio jarraipena gauari. Mozorrotuta joateko deia egin dute.