Orain urte bi egin zuten lehen saiakera, eta, apurka, indarra galdu zuen. Orain, bigarren ahalegin sendo bat egiteko prest daude: “Adin horretako gazteek ez dute aisialdi eskaintzarik herrian, eta eremu hori biziberritzeko ahalegina egin gura dugu”, dio Maialen Magunagoitia Marixurrikeko kideak.
Plangintza diseinatzen dabiltzan bitartean, ekintza zehatzak prestatu dituzte. Domekan, Otxandioko Hontza Extrem parkera joango dira. Autobusa 10:30ean irtengo da plazatik. Azken izen-emate eguna barikua izango da: marixurrike@hotmail.com.