Bihar, Mozorro eta Kuadrillen Eguna izango da. Lagun-taldeak paella-janean batuko dira, eta, gero, askotariko jolasak egingo dituzte jai giroan. Arratsaldean, Aulestiko batukada taldearen laguntzagaz herritik zehar poteoan ibiliko dira. Zapatua musikagaz agurtuko dute; 23:00etatik aurrera kontzertua eskainiko dute Elorrioko Iheskide eta Donostiako Skakeitan taldeek.
Domekan, emakumeen herri kirol erakustaldiagaz gozatu ahalko da. Lau emakume trontzan, ingude altxatzen, txinga eroaten eta lokotx biltzen ibiliko dira 19:00etatik aurrera.
