Gaztetxearen inguruan badabil jendea, eta ekimenetan laguntzeko prestutasuna ere badago, baina gero mugimendu hori ez da gazte asanbladan islatzen. Horregatik, egoera bideratzeko hausnarketa prozesua abiatu dute. Barne hausnarketa bat izango da. Aurrera begira gaztetxeak hartu beharko lukeen bidearen gaineko herritarren iritziak jaso nahi dituzte. Ondoren, iritzi guztiak kontuan hartu, eta etorkizuneko erronkei aurre egiteko ibilbide-orria diseinatu gura dute. Horregaz batera, herritarren inplikazioa ere bilatu gura dute.
Atxondoko gaztetxearen etorkizunaren inguruko hausnarketa egingo dute bihar
Azkenaldian, gaztetxearen gaineko erabakiak hartzen dituen gazte asanbladaren batzarretara jende gutxi joaten da. “Lau katu batzen gara, eta nekatuta gaude”, azaldu du Kike Bilbaok. Horregatik, bultzada baten bila, gaia herrira zabaltzea erabaki dute. Horretarako, herri batzar batera deitu dute biharko, 20:00etan, gaztetxean bertan.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!