Apatako plazan eta Euskalherria kalean kokatuko dituzte postuak, 10:30etik aurrera; animalien, nekazaritza produktuen eta artisautzaren gainekoak izango dira. Animaliei dagokienez, astoak, oiloak, zaldiak, ahuntzak, ardiak eta behiak ikusi ahalko dira. Artisautzako postuetan, bitxiak, lorontziak eta oinetakoak izango dira, besteak beste. Nekazaritza produktuen gunean, txorizoak, gaztak, arrautzak, ogiak eta barazkiak erosi ahalko dira, beste hainbat produkturen artean.
Ekoizle asko atxondarrak eta inguruetakoak dira, baina, esaterako, pasta egiten duen igorretar bat eta shiitake ekologikoa ekoizten duen arabar bat ere etorriko dira. Ekoizle asko gazteak izango direla nabarmendu dute antolatzaileek.