Edozelan ere, auzotarrek egoeraren balorazio “tristea” egiten dute; adierazi dutenez, “ez zegoen gaur egungo egoerara heldu beharrik”. Eskola egiteko proiektu bi zeuden sasoian, euren etxebizitza bloketik hurrunen zegoena aukeratzeko eskatu zioten udalari. Egoera bideratzeko “denbora egon da aurretik”, adierazi du Aranak. Auzitegiaren epaiak eraikina bota behar dela dioen arren, Aranak ez du uste eskola botako denik: “Hori gertatzea oso gaitza izango da”.
Azkenik, argitu gura izan du blokean bizi diren auzotarrak ez daudela eskola egitearen aurka: “Herrian zabaldu da ez dugula eskola egiterik nahi, eta hori gezurra da. Hori sekula ez da egia izan. Eraikina gorago egitea baino ez dugu eskatu”.
