Martxoan, artile ikastaroa abiatzeko asmoa dute taldekideek. Bufandak, eskularruak eta mota askotako janzkiak egingo dituzte, kakorratz-lana eta puntua erabilita. Iaz antolatu zuten lehenengoz, eta ekimenaren balorazio positiboa egin zuten; ondorioz, aurten errepikatu egingo dute.
Marixurrikek agendan gorriz markatuta duen egun bat martxoaren 23a da. Egun horretan, euskararen aldeko Korrika Atxondotik igaroko da 13:15 inguruan, eta, modu batera edo bestera, parte hartzeko asmoa dute.
Horretaz gainera, herriko auzoak eta ermitak ezagutzeko ibilbide bat ere antolatu gura dute taldeko kideek.