Informazio zuzena nahi dute, kontua benetan zertan den jakiteko. Horregatik, Eusko Jaurlaritzako arduradunekin eta Espainiako Sustapen Ministerioko Ana Pastorregaz batzeko eskaerak egin dituzte.
Alde batetik, jakin gura dute Rajoyk zein tarteri egin zion erreferentzia; Atxondo-Atxondo tarteari edo Atxondo mugan harrapatzen duten Atxondo-Elorrio eta Atxondo-Abadiñori. Lehenengo tarteari badagokio, lizitazioa zein egoera administratibotan dagoen jakin gura dute, horren arabera, gobernu taldearen estrategia lantzeko.
Lanak ahalik gehien atzeratzera bideratuta egon da orain arteko estrategia; horretarako, udalean jasotako edozein txostenetan akatsak bilatzen saiatu dira, prozedura ahalik gehien luzatu dadin. Aurrerantzean ere estrategia beragaz jarraitzeko asmoa dute, posible duten arte: “Orain arte, krisialdian behinik behin, estrategia ona dela ikusi dugu, ez dutelako pausorik eman”. Atxondoko tarteak 3 km ditu, eta 1,6 km-ko biaduktua Maisuen etxearen gainetik.