Postontziak zentralizatzeak abantaila bi ditu. “Postarien lana erraztuko du, banaketa prozesua azkartu egingo delako, eta, ondorioz, astean birritan beharrean, egunean-egunean banatuko dute postetxera heltzen den posta”. Bestetik, ordutegi beragaz postariak denbora luzeagoan eduki ahalko du Apatako postetxea zabalik.
Baserrien jatorrizko izenak
Azken hiletan udala postontziei dagozkien baserrietako jatorrizko izenak batzen eta aztertzen ibili da. Hori izan zen auzo batzarretan herritarren partetik jasotako eskakizunetako bat. Baserrien izenak apurka moldatzen joan direla da urtetako ahozko erabilerak ekarri duen ondorioetako bat. Horregatik, artxiboetara jo, jatorrizko izenak jaso, eta ondoren Euskaltzaindira bidali zituzten. Postontzi berrietan izen biak ipiniko dira: jatorrizkoa eta normalean erabiltzen dena.