Igerilekuen ondoko 2.900 metro karratuko lursail bat erabiliko du horretarako. Lursail pribatuko jabeak prest daude lurrak uzteko. Udalak erabaki beharko du lursail horiek erosi edo errentan hartuko dituen. Eremu horretan 75 bat metro karratuko 40 ortu egin gura ditu udalak. Aurreko legegintzaldian irekitako izen-
ematean jasotako interes kopurua hartu du banaketarako oinarritzat, baina, dena prest dagoenean, oinarriak eguneratu, eta beste izen-emate bat irekiko du. Udalak proiektu hau gauzatu gura du: “Produktu ekologikoak eta elikadura subiranotasuna bultzatu gura ditugu. Horretaz gainera, askorentzat aisialdirako modu bat dira ortuok”, dio Rosa Elizburu alkateak.
Ortu ekologikoetarako gunea atonduko dute
Aurreko legegintzaldiko gobernu taldeak Atxondon ortu ekologikoak sortzeko hainbat pauso eman zituen, baina ezin izan zuen asmoa bete. Orain, lau urte geroago, orduko asmo hori berreskuratu egin du gobernu taldeak. Proiektua osatzen dabil, eta aurrekontuetan 15.500 euro gorde ditu azpiegiturak aurten atontzeko: ortuen banaketa, eta aldagelak eta biltegia izango dituen txabola, adibidez. Horrela, udalak datorren udaberrian banatu nahi ditu ortuak interesa duten herritarren artean.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!