Argiteria kableak Ziarreta auzoan eta Anboto kalean ostu dituzte. Estolderia tapak, aldiz, herri osoan zehar desagertu dira: “Azken asteetan askotan izan dugu horrelako lapurreten berri”, dio Rosa Elizburu alkateak. Ertzaintzan salaketa ipini dute, eta ibili izan dira ingurutik, baina lapurrek ertzainen joan-etorriak kontrolatuta dituztela uste dute. Kaleko argien kasuan, argindarra egunez mozten dute, martxan ez daudenean, eta, ondoren, gauez kabelak ostu. Udal arduradunek dei egin diete herritarrei ohikoak ez diruditen jardunbideak udaletxean jakinarazteko.