Xabier Urizar Murgoitio atxondarra da (Arrazolakoa) eta Arrasaten ere bizi izan da. 29 urte eman ditu preso zazpi kartzela desberdinetan: Baiona, Po, Herrera de la Mancha (Gaztela-Mantxan), Valdemoro (Madril), Tenerife (9 urte), Jaen (9 urte) eta Puerto de Santa Marian (Cadiz, 5 urte). Cadizeko kartzelatik irten da gaur goizean. Itzuliko bidean, autoan ordubeteko bidea eginda zutela, “beren beregi beragatik Guardia Zibilen kontrol bat” ipini izana salatu dute Murgoitiori laguntzera hemendik hara joandakoek. Luzaroan eduki omen dute geldi eta zain.
Gaur egun 59 urte ditu eta kondena osoa bete ostean geratu da kalean. Parot doktrina aplikatu behar zioten, baina bertan behera geratu denez, aske utzi dute. Espetxean lan eginez penak luditzeko lortutako egunak kendu egin izan dizkiote.