2008tik hona indarrean izan den planak egindako bidea aztertu, baloratu eta gaurkotu egin dute. Era berean, plan berriak beste lau urteko iraunaldia izango duela adierazi zuten.
Oraingoz, plan berriak ez du jasotzen ekintza plan zehatzik, eta hori datozen hilabeteetan erabakiko dutela adierazi zuen Rosa Elizburu alkateak. Euskararen Erabilera Planak udalak norbanako, elkarte edo askotariko eragileekin dituen harremanetan euskarak izan duen erabilera definitzen du; adibidez, udaleko iragarkietan, publizitate kanpainetan, bandoetan, webgunean askotariko informazioa ematerako orduan, idatzizko dokumentuetan eta ahozko hartu-emanetan.