Mota guztietako elikagaiak batu dituzte: kontserbak, olioa, esnea eta gailetak, esaterako. Dagoeneko janari hori guztia Bizkaiko Elikagai Bankuaren biltegietan dago.
Ekimenaren balantze positiboa egin du gaztetxeko asanbladako kide Kike Bilbaok: "Herritarren erantzuna oso ona izan da, espero genuena baino handiagoa, eta ekimenaren balorazioa oso positiboa da".
Aurten batutako dena Bizkaiko Elikagai Bankura bideratu dute, baina baliteke datorren urtean jomuga Atxondon beharrizanean daudenak izatea. Beste herri batzuetan egiten duten legez, herrian batutako elikagiak herritarren beharrizanak asetzera bideratu gurako lituzkete. Ekimenaren balorazioa egiteko batzarrean jorratuko dute asmo hori.