Atxondoko gaztetxeak 15 urte egin ditu, eta urteurrena ospatzeko askotariko ekintzak prestatu dituzte astebururako.
Bihar, 11:00etan, umeentzako tailer eta jolasak egongo dira, eta, ondoren, horma-irudi bat margotuko dute. 15:00etan baba-jana egingo dute, eta, arratsaldean, 17:30ean, herri olinpiadetan neurtuko dituzte indarrak. Gauean, 22:30etik aurrera, kontzertuak antolatu dituzte: Kilauea, Trastorno, Etxilimo eta DJ Abaunza.