Ekainaren 14ko barikuan, ate irekien jardunaldia egingo dute Atxondoko LH ikastetxean. Gurasoek zein herritarrek azpiegitura berriak bisitatu ahal izango dituzte 15:00etatik 19:30 ingurura.
Horrez gainera, eskolako jolaslekuan gaztelu puzgarriak eta zezen mekanikoak ipiniko dituzte, eta, balanzbike bizikletekin egiteko zirkuitu bat atonduko dute. Ikastetxeko gurasoen elkarteak luntxa ere eskainiko du. Era berean, 15:00etan ikasturte amaierako jaia egingo dute gimnasioan. Ikasleek musika emanaldiak, antzezlanak, bertsoak… prestatu dituzte.