Herrira mugimenduak binakako pilota txapelketa antolatu du Atxondon. Bikoteen mailaren arabera hiru mailatan jokatuko da.
Domeka honetan amaitzen da izen-emateko epea Apatako tabernetan. Apuntatzerakoan bikotearen izen-abizenak eta telefonoa utzi behar dira, eta zer mailatan jokatu gura den zehaztu behar da. Izen-emateak 10 euro balio du, eta txapelketako lehen partiduetan jasoko dituzte.
Txapelketa apirilaren 12an hasiko da, datorren barikuan. Hortik aurrera, barikuetan, zapatuetan eta domeketan jokatuko dira jardunaldiak. Finalerdiak Axpeko San Juan jaietan jokatuko dituzte, eta finalak, berriz, Apatako San Pedro jaietan.