Asuntze mendi taldeak Aiako Harrietara eta sagardotegira irteera antolatu du martxoaren 10rako. Egunpasa horretarako izena emateko azken eguna domeka hau da; 50 euro izango da egunpasa.
Goizeko 08:30ean irtengo dute Apatako plazatik. Mendi irteera 10:00etan hasiko dute, eta ordu bi inguruko iraupena izango du. Aiako Harriak deritzana Gipuzkoako mendirik zaharrena da, Aiako Harriak natura parkearen barruan kokatuta.Bazkalorduan sagardotegira joango dir; 19:00 dute itzultzeko ordua.
Gaztetxetik irteera
Atxondoko Gazte Asanbladak ere beste irteera bat antolatu du sagardotegirako, eta kasu honetan gaur amaitzen da izena emateko epea; Gaztetxean edo Arrano Bentamotz elkartean egindaiteke. Martxoaren 24an joango dira; autobusa goizean irten eta gauez itzuliko da. Ordutegiak eta diru kontuak izena ematen dutenekin zehaztuko dituzte.