2012rako hainbat egitasmo Hiri Antolamendurako Plan Nagusiaren menpe daude. Atxondoko hirigintzan egongo diren aldaketak izan dira Agenda 21eko azken foroko arduretako batzuk
Plana hile bi barru plenoan onartzekotan dira, eta zer aldaketa egin diren jakin gura izan dute herritarrek.
Industriagune berria, horrenbeste itxarondako Irubideko biribilgunea... hainbat egitasmo daude Hirigintza Planaren onarpenaren menpe.
Azken aldaketen artean, industriagunearen kokapena dago. Hasierako proposamenean baino sartalderago, Abadiño aldera, birkalifikatuko dituzte lurrak; errepidetik gertuago, Artiako poligonoaren parera. Aldaketagaz, “ingurugiroari eta auzokideei kalte txikiagoa” egingo zaiela adierazi dute udal arduradunek.
Planaren azken ikutuak egin eta bi hile barru gura dute plenora eroan. Gero Aldundiak onartu beharko du testua, eta hango zereginek zazpi bat hile iraungo dutela diote udal arduradunek.