Gaizka Uriartek eta Enrike Garatek Jose Luis Espiau eta Migel Angel Buruagak utzitako postuak hartu dituzte.
Pasa den irailean azaldu zuten Buruagak eta Espiauk zinegotzi kargua uztea erabaki zutela. Zinegotzi berriak izendatzeko tramitazioak amaituta, asteleheneko udalbatzan hartu zuten kargua Enrike Garate eta Gaizka Uriartek. Jose Antonio Igarzagaz batera jardungo dute EAJ ordezkatzen.
Astelehenean euren lehen udalbatza izan zen, beraz, eta lan batzordeetan ere laster hasiko dira lanean zinegotzi berriak. Horretarako, baina, hilabete itxaron beharko da; abenduko udalbatzerako adostu beharko dute zer lan batzordetan behar egingo duten.