Hainbat kulturatako atxondarren gastronomia ezagutzeko aukera egongo da kulturarteko jaian.
Apatako plaza inguruan usain eta doinu bereziak nabarituko dira bihar kultura arteko jaian. Goizeko 11:00etan hasiko da egitaraua, Andasto taldeak parte-hartzaileei eskainitako dantza saioagaz. Hainbat atxondarrek postuak ipiniko dituzte euren kulturetako jan eta edariak eskaintzeko.
|
EGITARAUA 11:00etan, jaiaren hasiera |
Gastronomia dastaketaz gainera, hainbat elkarteren postuak ipiniko dituzte, bidezko merkataritza postua, esaterako. Bakearen Jaima ere egongo da, eta bertan egipziar dantza ikastaroa, perkusio tailerra eta te dastaketa egongo dira, besteak beste. Munduko jolasen txokoa atonduko dute, eta berbereak musika kalejira ibiliko dira. Eguerdian Durangoko Ullanah taldeak folk kontzertua eskainiko du, eta munduko dantzen tailerra eta antzerkia edukiko dituzte arratsaldean.
Aste osoko egitaraua
Asteon kulturartekotasunaren gaineko dokumentalak eta berbaldiak antolatu dituzte. Ehundegi maia bategaz txapelak egiteko tailerra ere egon da ekintzen artean, baina datorren martitzenera atzeratu dute. Ludotekan izango da tailerra, 17:00etatik aurrera.