Atxondoko Udalak eta Anbotope elkarteak duten liskarrak oraindik dirau. Durangoko epaitegiak irailaren 13a ezarri dio elkarteari lokaletik irteteko epe muga moduan.
Arrazolako elkartearen eta udalaren arteko desadostasuna 2008tik dator. 30 urteko kontratua amaitu eta gero, ez berritzea eta elkartea lokaletik kaleratzea erabaki zuen Atxondoko Udalak. Udalak jada aldeko hiru epai jaso dituela gogorarazi du; epai horien ondoren Anbotopek jarritako errekurtsoa ez zuen onartu epaitegiak. A.M.