Asteburu honetatik aurrera uda giroa igarriko da herrian. Udal igerilekuak bihar zabalduko dituzte, goizeko 11:00etan.
Datozen hiru hileotan bertara joateko aukera egongo da, irailaren 18ra arte; orduan zarratuko dute aurtengo uda denboraldia.
Txartela egiteko informazioa eta formularioa udaletxean hartu daiteke. Atxondoko familientzat, bonoak 51 euro balio ditu, 18 urtetik gorako banakoentzat 28 euro, eta adin txikikoentzat 19. Atxondon erroldatuta ez daudenentzako prezioak karutxoagoak dira.