Domekara arte iraungo dute ospakizunek.
Eguenean txopoa jasoz hasiko dituzte jaiak Axpen. Horren ondoren berakatz-zopa ere dastatuko dute. Barikuan mus txapelketa martxan ipiniko dute 20:30ean, eta 23:00etan erromeria izango da Arantza eta Pantxogaz batera. Tartean, igel txapelketa jokatuko dute.
Zapatuan, hilaren 24an, herri-kirolekin hasiko dute eguna, 13:00etan. Eguerdi parterantz, paella lehiaketa izango da, eta gero bazkaria, zelan ez. Arratsaldeko 17:00etatik aurrera briska txapelketa jokatuko da, eta eguna amaitzeko Luhartz hurreratuko da Axpera, giroa alaitzeko.
Domeka jaiari agur esateko eguna izango da. Meza nagusia hasiko da 11:30ean, eta gero Andasto dantza taldearen emanaldia izango da ikusgai. Bien bitartean piper-jana egingo dute, eta ondoren porra txapelketa jokatuko dute. 17:00etan euskal mitologiako pertsonaien inguruko ikuskizuna prestatuko dute, eta gero mozorro lehiaketako sari banaketa burutuko dute. 17:30ean mus txapelketaren finalak ospatuko dira. Amaitzeko, 20:00etan, otzararen zozketa eta txokolatada izango dituzte bertaratzen direnek.