EAJ bere adierazpenetan berretsi da

Alkatea pisu tutelatuan zergatik bizi den galdetzen zuen oharrean berretsi da talde jeltzalea. Talde jeltzaleak jakin gura du \"Atxondoko alkatearen asmoa ote den eztabaida politikoa espainiar epaimahaietara eramatea; hau da, ezker abertzaleak hain gogor kritikatzen dituenak\". Atxondoko EAJ-PNVren udal taldeak berretsi gura izan du joan zen apirilaren 21 eta 22an Bizkaiko komunikabide guztietara bidali zuen prentsa oharrean esaten zuena. \"ANV taldeko David Cobos alkateak publikoki EAJ-PNV alderdia salatuko duela mehatxatu ondoren, EAJ-PNVk argi eta garbi esan nahi du aurreko prentsa oharra berretsi egiten duela\". Talde jeltzaleak alkateari eskatu dionez, \"erregimen sasi-demokratikoetako prentsaurrekoetan taldekideen atzean ezkutatu beharrean, alkateak azaldu behar du zergatik bizi ote den gizarte bazterketa egoeran dauden pertsonentzat izan beharko litzatekeen etxebizitza batean\".