20 urteko bi gazte larri zauritu ziren astelehen goizean Atxondon, euren kotxeak beste batekin talka egiterakoan. Galdakaoko ospitalera eraman zituzten gazteak.
Goizeko 06:45ean jazo zen istripua, N-636 errepidean. Peugeot 807 eta Peugeot Partner kotxeek talka egin eta gazte bi larri zauritu ziren.
Istripuaren ondorioz itxi egin behar izan zuten errepidea, eta 09:30ean bueltatu zen normaltasuna. Gazte biak Galdakaoko ospitalean daude, larri.