Euskal Herriko lurralde guztietako txapeldunak eta txapeldunordeak batuko dira euskal artzain-txakurrik onena erabakitzeko Axpen izango den lehiaketan parte hartzera. Arabarrak faltako dira aurten, herrialde horretan ez dabe-eta txapelketarik burutu.
Domekan, irailaren 20an, Axpeko Elizaburuko zelaian jardungo dabe artzainek eta txakurrek, bakotxak jagokon lana burutzen: txakurrari aginduak eta jarraibideak emoten artzainak, eta ardiak hesiratzen ardiak.
Urteetan hitzordu hori antolatzen egin daben lana eskertzeko, Jose Luis Zarandona eta Jose Ignacio Alberdi omenduko ditu Gerediaga Elkarteak domekako ekitaldian. Eusko Labeldun hegaluzea dastatu ondoren, bertso-bazkaria izango da Atx-Azpi elkartean.